ଧୁମାଭଟା ଗ୍ରାମ ପଞ୍ଚାୟତରେ ବିଧବା, ଦିବ୍ୟାଙ୍ଗ ଓ ବୃଦ୍ଧଙ୍କ ପାଇଁ ମୋଟ ୫୭ ଜଣ ହିତାଧିକାରୀଙ୍କ ଭତ୍ତା ମଞ୍ଜୁର ହୋଇଥିବା ବେଳେ, ସରପଞ୍ଚ ଶ୍ରୀ ନାଏକ ଘରକୁ ଘର ଯାଇ ସେମାନଙ୍କୁ ଭତ୍ତା ପ୍ରଦାନ କରିଛନ୍ତି। ଏହାର ଫଳରେ ଭତ୍ତା ପାଇବା ପାଇଁ ବର୍ଷାରେ ବାହାରକୁ ଯିବାରୁ ହିତାଧିକାରୀମାନେ ମୁକ୍ତି ପାଇଛନ୍ତି।
ବର୍ଷା ମାସରେ ଗ୍ରାମାଞ୍ଚଳର ଲୋକେ ବିଭିନ୍ନ କାମରେ ବ୍ୟସ୍ତ ରହିବା ସହ ଯାତାୟାତରେ ମଧ୍ୟ ଅନେକ ସମସ୍ୟାର ସମ୍ମୁଖୀନ ହୋଇଥାନ୍ତି। ବିଶେଷକରି ବୟସ୍କ ଓ ଦିବ୍ୟାଙ୍ଗ ବ୍ୟକ୍ତିଙ୍କ ପାଇଁ କେବଳ ଭତ୍ତା ଖଣ୍ଡିଏ ପାଇଁ ଘରୁ ବାହାରି ଦୂରକୁ ଯିବା କଷ୍ଟକର ହୋଇଥାଏ। ଏଭଳି ସ୍ଥିତିକୁ ଅନୁଭବ କରି ସରପଞ୍ଚଙ୍କ ଏହି ପଦକ୍ଷେପ ମାନବିକତାର ଏକ ଉଦାହରଣ ବୋଲି ଅଞ୍ଚଳବାସୀ କହିଛନ୍ତି।
ସୋସିଆଲ ମିଡିଆରେ ମଧ୍ୟ ସରପଞ୍ଚଙ୍କ ଏହି ଘରକୁ ଘର ଭତ୍ତା ବଣ୍ଟନ ଉଦ୍ୟମର ଚିତ୍ର ସାମ୍ନାକୁ ଆସିବା ପରେ ତାଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଉଛି। ଜନସାଧାରଣଙ୍କ ସମସ୍ୟାକୁ ନିକଟରୁ ବୁଝି ସରକାରୀ ସୁବିଧା ଲୋକଙ୍କ ଦୁଆର ମୁହଁରେ ପହଞ୍ଚାଇବାର ଏହି ପ୍ରୟାସ ଅନ୍ୟମାନଙ୍କ ପାଇଁ ମଧ୍ୟ ଏକ ଅନୁକରଣୀୟ ପଦକ୍ଷେପ ବୋଲି ମତ ପ୍ରକାଶ ପାଇଛି।
0 Comments