ବଡ଼ଦାଣ୍ଡ ରଥ ଉପରେ ସୁନାବେଶ ର ମାହାତ୍ମ୍ୟ

ଅଧ୍ୟାପକ ତଥା କବି ତ୍ରିନାଥ ପଟ୍ଟନାୟକ

ବଡଦାଣ୍ଡ ଆଜି ଯେ ଚଳଚଞ୍ଚଳ 

    ଶ୍ରୀଜୀଉଙ୍କ ସୁନାବେଶ 

ଆଷାଢ ଶୁକ୍ଳ ଏକାଦଶୀ ଯେ ତିଥି 

    ରାଜାରାଜେଶ୍ଵର ବେଶ ||

ରାଜା କପିଳେନ୍ଦ୍ରଦେବ ସାନିଧ୍ୟତା 

   ଦେବୀ ଦୁର୍ଗାଙ୍କ ଲଭିଲେ 

ଦକ୍ଷିଣ ଭାରତୁ ଧନରତ୍ନ ଲଦି 

   ଶ୍ରୀମନ୍ଦିରେ ଯେ ଅର୍ପିଲେ ||

ବଡତଢ଼ାଉ ସେବକ ଯେ ରାଜାଙ୍କ 

  ସେବା ଦେଖି ଆନନ୍ଦିଲେ 

ଅଳଙ୍କାର ସବୁ ଭଣ୍ଡାରୁ ଆଣିଲେ 

   ମହାପ୍ରଭୁ ଦେହେ ଦେଲେ ||

ଅନୁରୋଧ ରକ୍ଷା କରି ସେବକଙ୍କ 

  ରାଜା କପିଳେନ୍ଦ୍ର ଭଲେ 

୧୩୮ ଅଳଙ୍କାରରେ ଠାକୁରଙ୍କୁ 

   ସୁନାବେଶ କରାଇଲେ ||

ଶ୍ରୀପୟର, କିରୀଟ ସ୍ବର୍ଣ୍ଣ 

    ଅଳଙ୍କାରେ ସଜ୍ଜା ହୋଇ 

ଶ୍ରୀବଳଭଦ୍ର, ଶ୍ରୀଜଗନ୍ନାଥ, ଦେବୀ          

    ସୁଭଦ୍ରା ବିରାଜ ହୋଇ ||

ରଥାରୂଢ ଠାକୁରଙ୍କ ଭବ୍ୟ ବେଶ 

    ଦର୍ଶନେ ସଂଚାର ହୁଏ 

ଭକ୍ତ ପ୍ରାଣ ହୁଅଇ ଯହିଁ ଜାଗ୍ରତ 

     ଅଶେଷ ପୁଣ୍ୟ ଯେ ଲଭେ ||

    ଗ୍ରାମ:ଗୌଡ଼ଗୁଡା, ମାନବର ପଞ୍ଚାୟତ, ଜିଲ୍ଲା: କୋରାପୁଟ, ଓଡିଶା 

   ମୋ:୮୯୧୭୩୧୯୩୭୭