ଭୁବନେଶ୍ୱର (କୋଶଳ ପ୍ରହରୀ) : ଓଡ଼ିଶା ପ୍ରଶାସନିକ ସେବା (OAS)ର ୩୦ ଜଣ ପ୍ରଶିକ୍ଷଣରତ ଅଧିକାରୀଙ୍କୁ ରାଜ୍ୟର ବିଭିନ୍ନ ଜିଲ୍ଲାରେ ଡେପୁଟି କଲେକ୍ଟର ଓ ଜିଲ୍ଲା ଉପ-ନିବନ୍ଧକ (District Sub-Registrar) ଭାବେ ନୂତନ ଦାୟିତ୍ୱ ଦିଆଯାଇଛି। ଏନେଇ ରାଜ୍ୟ ସରକାରଙ୍କ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ନଭେମ୍ବର ୧୬ ତାରିଖରେ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି। ବିଜ୍ଞପ୍ତି ଅନୁଯାୟୀ, ବଲାଙ୍ଗୀର ଜିଲ୍ଲାରେ ଅନ୍ତିମ ସ୍ୱାଇଁଙ୍କୁ ଡେପୁଟି କଲେକ୍ଟର, ମହମ୍ମଦ ନାଜିଫ ହାତିଫଙ୍କୁ ଉପଜିଲ୍ଲାପାଳ କାର୍ଯ୍ୟାଳୟ, ବଲାଙ୍ଗୀରରେ ଡେପୁଟି କଲେକ୍ଟର ଏବଂ ରୋଜାଲିନ ମାଝୀଙ୍କୁ ପାଟଣାଗଡ଼ ଉପଜିଲ୍ଲାପାଳ କାର୍ଯ୍ୟାଳୟରେ ଡେପୁଟି କଲେକ୍ଟର ଭାବେ ନିଯୁକ୍ତି ମିଳିଛି। ସେହିପରି ନୂଆପଡ଼ା ଜିଲ୍ଲାରେ ଶୈଳେଶ କୁମାର ଭୋଇ, ଚିନ୍ମୟ କୁମାର ପାଢ଼ୀ, ଧନମାଳୀ ମହାନନ୍ଦ ଓ ବିଶ୍ୱଜିତ ସିଂହଙ୍କୁ ଡେପୁଟି କଲେକ୍ଟର ଭାବେ ଦାୟିତ୍ୱ ମିଳିଛି।
ଅନ୍ୟପକ୍ଷରେ ଗଞ୍ଜାମ, କେନ୍ଦୁଝର, କନ୍ଧମାଳ, ମୟୂରଭଞ୍ଜ, ମାଲକାନଗିରି, କୋରାପୁଟ, ଗଜପତି, ସୁବର୍ଣ୍ଣପୁର ସମେତ ଅନ୍ୟ ଜିଲ୍ଲାରେ ମଧ୍ୟ ଅଧିକାରୀମାନଙ୍କୁ ନିଯୁକ୍ତି ଦିଆଯାଇଛି। ନୂତନ ଦାୟିତ୍ୱ ଗ୍ରହଣ କରିଥିବା ଅଧିକାରୀମାନେ ନିଜ ନିଜ କାର୍ଯ୍ୟକ୍ଷେତ୍ରରେ ନିଷ୍ଠା, ଦକ୍ଷତା ଓ ଉତ୍ତରଦାୟିତ୍ୱବୋଧର ସହ କାର୍ଯ୍ୟ କରି ଜନସାଧାରଣଙ୍କୁ ସ୍ୱଚ୍ଛ, ସମୟୋଚିତ ଓ ଗୁଣାତ୍ମକ ପ୍ରଶାସନିକ ସେବା ଯୋଗାଇଦେବେ ବୋଲି ଆଶା କରାଯାଉଛି।


0 Comments