ବ୍ରେକିଂ ନ୍ୟୁଜ

🟢 ବ୍ରେକିଂ ନ୍ୟୁଜ
ଖବର ସେୟାର କରନ୍ତୁ

କୁର୍ଲି ଗ୍ରାମର ରାସ୍ତା ନିର୍ମାଣ ପାଇଁ ଅରୁଣ କୁମାର ତାଣ୍ଡିଙ୍କ ଉଦ୍ୟମ, ରାଜ୍ୟପାଳଙ୍କ ହସ୍ତକ୍ଷେପ ପରେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ


କଣ୍ଟାବାଞ୍ଜି, ୧୯/୧୦ (କୋଶଳ ପ୍ରହରୀ):
ଗ୍ରାମର ବିକାଶ ଓ ଜନସାଧାରଣଙ୍କ ଯାତାୟାତ ସମସ୍ୟାର ସମାଧାନ ପାଇଁ ଜଣେ ସମାଜସେବୀଙ୍କ ଉଦ୍ୟମ ଏବେ ଚର୍ଚ୍ଚାକୁ ଆସିଛି। ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିକଟସ୍ଥ କୁର୍ଲି ଗ୍ରାମର ଧୋବାଘାଟ ମନ୍ଦିରଠାରୁ ବେହେରେନସିଲେଟ ପର୍ଯ୍ୟନ୍ତ ରାସ୍ତା ନିର୍ମାଣ ଓ ଉନ୍ନତିକରଣ ପାଇଁ ସମାଜସେବୀ ଅରୁଣ କୁମାର ତାଣ୍ଡିଙ୍କ ଆବେଦନ ପରେ ଏହି ମାମଲାରେ ପ୍ରଶାସନିକ ପଦକ୍ଷେପ ଆରମ୍ଭ ହୋଇଛି। ପ୍ରାପ୍ତ ସରକାରୀ ପତ୍ର ଅନୁଯାୟୀ, ଅରୁଣ କୁମାର ତାଣ୍ଡି ଗତ ଜୁନ୍‌ ୧୮ ତାରିଖରେ ଏହି ରାସ୍ତା ସମସ୍ୟାକୁ ନେଇ ଓଡ଼ିଶାର ରାଜ୍ୟପାଳଙ୍କ ନିକଟରେ ଲିଖିତ ଅଭିଯୋଗ କରିଥିଲେ। ଏହାପରେ ରାଜ୍ୟପାଳଙ୍କ ସଚିବାଳୟ ପକ୍ଷରୁ ଅଗଷ୍ଟ ୨୦ ତାରିଖରେ ବଲାଙ୍ଗୀର ଜିଲ୍ଲାପାଳଙ୍କୁ ଆବେଦନର ନକଲ ପଠାଇ ଆବଶ୍ୟକ ବିଚାର ଓ ପଦକ୍ଷେପ ନେବାକୁ କୁହାଯାଇଥିଲା। ଏହାପରେ ସେପ୍ଟେମ୍ବର ୧୧ ତାରିଖରେ ବଲାଙ୍ଗୀର ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟଙ୍କ କାର୍ଯ୍ୟାଳୟ ପକ୍ଷରୁ ଗ୍ରାମ୍ୟ ଉନ୍ନୟନ ବିଭାଗ (RWD), ବଲାଙ୍ଗୀରର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ପତ୍ର ଲେଖାଯାଇଛି। ଅଭିଯୋଗର ତଦନ୍ତ କରି ଆବଶ୍ୟକ ପଦକ୍ଷେପ ନେବା ସହ ଘଟଣା ସମ୍ପର୍କିତ ତଥ୍ୟ ଓ ନିଆଯାଇଥିବା ପଦକ୍ଷେପର ରିପୋର୍ଟ ଜିଲ୍ଲାପାଳଙ୍କ କାର୍ଯ୍ୟାଳୟକୁ ପଠାଇବାକୁ ନିର୍ଦ୍ଦେଶ ଦିଆଯାଇଛି। ତେବେ ରାସ୍ତା ନିର୍ମାଣ କାର୍ଯ୍ୟ କେବେ ଆରମ୍ଭ ହେବ, ସେନେଇ ଏପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ। ପ୍ରଶାସନିକ ତଦନ୍ତ ଓ ପରବର୍ତ୍ତୀ ପଦକ୍ଷେପ ପରେ ଏହି ରାସ୍ତା ସମସ୍ୟାର ସମାଧାନ ହେବ ବୋଲି ଆଶା କରାଯାଉଛି। ନିଜ ଗ୍ରାମର ସମସ୍ୟାକୁ ପ୍ରଶାସନର ଦୃଷ୍ଟିକୁ ଆଣିବା ପାଇଁ ଅରୁଣ କୁମାର ତାଣ୍ଡିଙ୍କ ଏହି ପ୍ରୟାସକୁ ସ୍ଥାନୀୟ ଅଞ୍ଚଳରେ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ଦେଖାଯାଉଛି।

— କୋଶଳ ପ୍ରହରୀ

Post a Comment

0 Comments