ସୁସ୍ଥ ଶରୀର, ଶାନ୍ତ ମନ ଓ ସୁସ୍ଥ ସମାଜ ଗଠନର ଲକ୍ଷ୍ୟ ନେଇ ୩୬୫ ଦିନ ଯୋଗ ଭଳି ଏକ ଅଭିନବ ସଙ୍କଳ୍ପ ଗ୍ରହଣ କରିବା ପାଇଁ ଆହ୍ୱାନ ଆଗ୍ରହ। ବର୍ଷର ପ୍ରତ୍ୟେକ ଦିନ ୧ଘଣ୍ଟା ନିଜ ଶରୀର ପାଇଁ ଯୋଗ, ଆସନ ,ପ୍ରାଣାୟାମ ଓ ଧ୍ୟାନ ସହିତ ନିଜ ଖାଦ୍ୟାଭ୍ୟାସ, ପରିବେଶ ଓ ସାମାଜିକ ଦାୟିତ୍ୱ ପ୍ରତି ସଚେତନ ହେବା।ଯୋଗ କେବଳ ଶରୀରକୁ ସୁସ୍ଥ ରଖିବାର ଅଭ୍ୟାସ ନୁହେଁ,ଏହା ନିୟମିତ ଜୀବନଶୈଳୀ, ଆତ୍ମସଚେତନତା ଓ ଶୃଙ୍ଖଳାର ଏକ ମାଧ୍ୟମ। ପ୍ରତିଦିନ ନିଜ ପାଇଁ କିଛି ସମୟ ଯୋଗ, ପ୍ରାଣାୟାମ, ଆସନ ଓ ଧ୍ୟାନକୁ ଦେବା ସହିତ ଦୈନନ୍ଦିନ ଜୀବନରେ ସୁସ୍ଥ ଅଭ୍ୟାସ ଗଢ଼ି ତୋଳିବା।ଖାଦ୍ୟ ପ୍ରତି ସଚେତନତା ନିତାନ୍ତ ଜରୁରୀ।ଯେମିତି ଖାଦ୍ୟ, ସେମିତି ସ୍ୱାସ୍ଥ୍ୟ—ଏହି ବାର୍ତ୍ତାକୁ ନେଇ ଲୋକଙ୍କୁ ସନ୍ତୁଳିତ ଓ ପୌଷ୍ଟିକ ଖାଦ୍ୟ ପ୍ରତି ସଚେତନ ହେବା ଉଚିତ୍। ଦୈନନ୍ଦିନ ଖାଦ୍ୟରେ ଶସ୍ୟ, ଡାଲି, ପନିପରିବା, ଫଳ ଓ ଆବଶ୍ୟକ ପ୍ରୋଟିନ୍ ଉତ୍ସକୁ ସାମିଲ କରିବା ସହିତ ଅତ୍ୟଧିକ ଲୁଣ, ଚିନି, ଅସ୍ୱାସ୍ଥ୍ୟକର ଚର୍ବି ଓ ଅତ୍ୟଧିକ ପ୍ରସ୍ତୁତ ଖାଦ୍ୟର ସେବନ କମାଇବା ଉଚିତ୍।WHO ମଧ୍ୟ ବିଭିନ୍ନ ପ୍ରକାରର ପୌଷ୍ଟିକ ଓ କମ୍ ପ୍ରସ୍ତୁତ ଖାଦ୍ୟ ଆଧାରିତ ଆହାରକୁ ସୁସ୍ଥ ଖାଦ୍ୟର ମୂଳ ଭିତ୍ତି ଭାବେ ଦର୍ଶାଇଛି।ଏହା ସହିତ ଖାଦ୍ୟ ନଷ୍ଟ ନକରିବା, ଖାଦ୍ୟର ସୁରକ୍ଷା ଓ ପରିଷ୍କାର-ପରିଚ୍ଛନ୍ନତା ପ୍ରତି ମଧ୍ୟ ସଚେତନ ହେବା।ପରିବେଶ ସୁରକ୍ଷା ମଧ୍ୟ ଜୀବନର ଅଂଶ ସୁସ୍ଥ ଜୀବନ ପାଇଁ ସୁସ୍ଥ ପରିବେଶ ଅତ୍ୟନ୍ତ ଆବଶ୍ୟକ। ତେଣୁ ୩୬୫ ଦିନ ଯୋଗ ସଙ୍କଳ୍ପ ସହିତ ବୃକ୍ଷରୋପଣ, ଗଛର ଯତ୍ନ, ଜଳ ସଂରକ୍ଷଣ, ପ୍ଲାଷ୍ଟିକ ବ୍ୟବହାର ହ୍ରାସ, ଆବର୍ଜନାକୁ ଏଣେତେଣେ ନ ଫିଙ୍ଗିବା ଓ ପରିବେଶ ସଫା ରଖିବା ଭଳି କାର୍ଯ୍ୟକୁ ସମ୍ମାନ ଦେବା।WHO ଅନୁସାରେ ଆମର ପରିବେଶ—ସ୍ୱଚ୍ଛ ବାୟୁ, ସୁରକ୍ଷିତ ପାଣି ଓ ସୁସ୍ଥ ଭୌତିକ ପରିବେଶ—ସ୍ୱାସ୍ଥ୍ୟର ଗୁରୁତ୍ୱପୂର୍ଣ୍ଣ ଅଂଶ।ଏହା ସହ ଖାଦ୍ୟ ଉତ୍ପାଦନ ଓ ବ୍ୟବହାରର ପରିବେଶ ଉପରେ ମଧ୍ୟ ପ୍ରଭାବ ରହିଛି। ତେଣୁ ସ୍ଥାନୀୟ ଓ ଋତୁକାଳୀନ ଖାଦ୍ୟକୁ ଗୁରୁତ୍ୱ ଦେବା, ଖାଦ୍ୟ ଅପଚୟ କମାଇବା ଓ ପ୍ରକୃତି ପ୍ରତି ଦାୟିତ୍ୱଶୀଳ ହେବା ଉଚିତ୍। ଯୁବପିଢ଼ି ଓ ଛାତ୍ରଛାତ୍ରୀଙ୍କୁ ବିଶେଷ ଭାବେ ଯୋଡିବା। ଯୋଗ ଅଭ୍ୟାସ ସହିତ ସ୍ୱଚ୍ଛତା ଅଭିଯାନ, ବୃକ୍ଷରୋପଣ, ଖାଦ୍ୟ ସଚେତନତା, ଜଳ ସଂରକ୍ଷଣ ଓ ପ୍ଲାଷ୍ଟିକ ବିରୋଧୀ ଅଭିଯାନରେ ଅଂଶଗ୍ରହଣ କରି ସେମାନେ ସୁସ୍ଥ ଓ ସଚେତନ ସମାଜ ଗଠନରେ ଭୂମିକା ନେଇପାରିବେ।୩୬୫ ଦିନ ଯୋଗ—୩୬୫ ଦିନ ସଚେତନତା।ଗୋଟିଏ ଦିନର ପ୍ରୟାସ ନୁହେଁ, ବର୍ଷସାରା ନିରନ୍ତର ଅଭ୍ୟାସ ଓ ସଚେତନତା ମାଧ୍ୟମରେ ସୁସ୍ଥ ମୁଁ, ସୁସ୍ଥ ସମାଜ ଓ ସୁସ୍ଥ ପରିବେଶ ଗଠନ କରିବା ହିଁ ଏହି ୩୬୫ ଦିନର ସଙ୍କଳ୍ପର ମୂଳ ଲକ୍ଷ୍ୟ ସାର୍ଥକ ହେବ।
ଡକ୍ଟର ହୃଷୀକେଶ ଦେହେରୀ ଯୋଗଗୁରୁ, ଗ୍ରାମ/ପୋ - ନାକଡେଇଁ ବ୍ଲକ୍ - ଉଲୁଣ୍ଡା ସୁବର୍ଣ୍ଣପୁର (ଓଡ଼ିଶା)
0 Comments